Por suposto, sabedes que este ano o Día das Letras Galegas adícase a súa figura e obra. Non parece suficiente, verdade? Dende o equipo de Dinamización da Lingua Galega e o da Biblioteca ímosvos propor algunhas actividades ó longo desta semana para coñecelo mellor. Estade atentos!

https://create.kahoot.it/details/ca6b5eb1-69ba-45d6-b87e-0316d2108adf

Para os que queirades consultar algo de información antes de participar, a Real Academia Galega publicou na súa páxina web unha serie de vídeos sobre a súa vida e obra. Asimesmo, na biblioteca do noso centro pódense atopar algunhas das súas obras.

O seu tema lingüístico máis recorrente, o cabalo de batalla de Florencio, é o castrapo, síntoma e expresión lingüística do sometemento da lingua minorizada, o galego, pola lingua minorizadora, o castelán.

Volten a Valdeorras os nomes xenuínos

non máis Correjanes nin Vegamolinos.

Si Veigamuíños e mais Correxais

pois xa os castrapismos están por demais.

……………………………………………….

Non trocar por feles os galaicos meles

pronunciando El Barco, La Puebla e Bajeles.

Rosa María Villar Villamil

Coordinadora do Equipo de Biblioteca

Seguir lendo →

Carracedo achega o “libro da vida” ao IES Chan do Monte 

O xenetista Ángel Carracedo visitou o IES Chan do Monte de Marín o pasado día 30 de abril nun encontro próximo e cheo de curiosidade, onde a ciencia se mesturou coa emoción de aprender e co pracer de escoitar.

Xubilado como Catedrático de Medicina na USC, Carracedo continúa moi activo como coordinador do programa IMPaCT Xenómica e director da Fundación Pública Galega de Medicina Xenómica, desde onde impulsa o ambicioso estudo do mapa xenómico de centos de miles de galegos. Acompañado pola doutora en Medicina Molecular María Soledad Otero Piñeiro, o investigador mostrou desde o primeiro momento a súa cercanía co alumnado.

No instituto foron recibidos cun ambiente cálido e atento, e presentados polas nosas alumnas Olalla e Celia, que fixeron un percorrido pola súas traxectorias vitais e profesionais.

A actividade, que foi organizada polo EABE Os labirintos de Mogor do IES Chan do Monte, baixo a coordinación da profesora Susana Montes do Departamento de Ciencias Naturais, destacou pola alta participación e interese do alumnado. Durante unha hora, o salón de actos converteuse nun espazo vivo, cheo de preguntas, risas e reflexións compartidas. Carracedo foi adaptando as súas explicacións ás distintas inquedanzas, pois había alumnado de distintos niveis educativos.

Tentando tecer redes de colaboración con outras bibliotecas públicas escolares, foron convidados a asistir ao faladoiro discentes do IES Mestre Landín, no marco das actividades compartidas polos EABE de ambos os dous centros, co obxectivo de transformar o saber humano nalgo accesible e cotián, e para consolidar as bibliotecas escolares públicas da contorna como auténticos viveiros de cidadanía e de recursos.

O libro da vida

Nun dos momentos máis suxestivos, comparou a cadea xenómica cun libro da vida que cada persoa leva escrito nas súas células onde as páxinas se converten en auténticas vetas do tesouro que levamos dentro. Falou de como a ciencia vai aprendendo a lelo e mesmo a interpretalo mellor co paso do tempo. Tamén compartiu avances xa cotiáns, como poden ser as probas non invasivas que permiten coñecer información das crianzas antes de nacer, sen necesidade de técnicas máis agresivas como a amniocentese.

Ciencia con rostro humano

Atendendo ás inquedanzas do alumnado, o científico abordou tamén a Medicina Forense, unha das súas especialidades, e centrou a atención en casos coñecidos que espertaron grande interese mediático. Un xogo guiado pola súa compañeira de relatorio, María Soledad Otero Piñeiro, permitiu ao alumnado descubrir curiosidades propias sobre trazos determinados xeneticamente. Houbo espazo, ademais, para falar das neurodiverxencias, como o TDAH, e destacar a importancia de comprendelas e valoralas. 

Para pechar o acto, Ángel M. Carracedo quixo lembrar tamén o papel fundamental de profesionais diversos na ciencia, desde os equipos informáticos ata o persoal técnico, e concluíu cuns sinxelos e sentidos consellos para o alumnado, entre outros, dedicar a vida a aquilo que realmente nos faga felices.

Seguir lendo →

Seguir lendo →

Seguir lendo →

Seguir lendo →

Seguir lendo →

Seguir lendo →

As probas realizaranse entre o 01 e o 19 xuño de 2026 segundo o calendario de cada familia. Cada módulo consta dunha proba teórica e doutra práctica.

Familia Profesional de Informática

[Calendario Ciclos Informática]

• Ciclo Medio de Sistemas Microinformáticos e Redes 
• Ciclo Superior de Administración de Sistemas Informáticos en Rede 
• Ciclo Superior de Desenvolvemento de Aplicacións Multiplataforma 
• Ciclo Superior de Desenvolvemento de Aplicacións Web 

Familia Profesional de Comercio e Marketing

[Calendario Ciclos Comercio e Marketing]

• Ciclo Medios de Actividades Comerciais 
• Ciclo Superior de Marketing e Publicidade 

Familia Profesional de Administración e Xestión

[Calendario Ciclos Administración e Xestión]

• Ciclo Medio de Xestión Administrativa 

Familia Profesional de Instalación e Mantemento

[Calendario Ciclos Instalación e Mantemento]

• Ciclo Medio de Instalacións frigoríficas e de Climatización

Seguir lendo →

O IES Chan do Monte Marín, en colaboración coa Xunta de Galicia e o Ministerio de Educación, anuncia a apertura de inscricións para o seu novo Curso AFD (Accións Formativas para o Emprego) de Nivel 2. Esta é unha oportunidade excelente para obter un certificado de profesionalidade totalmente gratuíto nun sector con gran demanda laboral.

🔧 Denominación do Curso: Montaxe e Mantemento de Instalacións de Climatización e Ventilación-Extracción.

Detalles Clave do Curso:

• 🎓 Certificado: Profesionalidade de Nivel 2.
• 🕒 Duración: 500 horas.
• 📅 Datas: De Abril a Setembro de 2026.
• 🕔 Horario: De Luns a Venres, das 16:00h ás 21:00h.
• 📍 Lugar: Instalacións do IES Chan do Monte Marín.
• 🎓 Requisitos de Acceso: ESO ou equivalente.

Por que este curso? O sector da climatización e ventilación está en auxe, coa crecente importancia da eficiencia enerxética e a calidade do aire en edificios. Este curso ofréceche unha formación integral e práctica que te axudará a inserirche no mercado laboral cun perfil técnico especializado.

Seguir lendo →

Onte decorreu nos espazos da BE Os labirintos de Mogor a terceira sesión do club de lectura Labirinto de Mogor II, destinado a persoas adultas da nosa comunidade educativa.

Nesta ocasión tivemos a inmensa fortuna de compartir as nosas impresións lectoras sobre a novela Ítaca da escritora galega María Besteiros, que foi finalista do Premio Xerais de Novela, no ano 2025.

As persoas mediadoras dos clubs de lectura da BE Os labirintos de Mogor do IES Chan do Monte agradecen ás familias e ao profesorado do club a sua presenza nesta nova reunión.

Súmaste á nosa seguinte lectura?

A vindeira obra que leremos será a novela Circe ou o pracer do azul da escritora e xornalista galega Begoña Caamaño que decorrerá no mes de maio, para festexar, con esta rutina lectora, o Día das Letras Galegas 2026 en grupo. O noso catálogo xa ten rexistrados algúns exemplares. Non dubides en collelos! Nuns días publicaremos a data e hora da próxima sesión! Boas lecturas!

Seguir lendo →

A empresa Corvus Belli, situada en Bueu, vén de compartir unha oferta de emprego a través de FEUGA, dirixida ao alumnado egresado do ciclo superior de Marketing e Publicidade.

Para optar ao posto, requírese contar cun nivel mínimo de inglés B1 e dispoñer de vehículo propio.

As persoas interesadas poden inscribirse e participar no proceso de selección a través da seguinte ligazón:

https://www.becasfeuga.es/ofertas/32845/ver

Seguir lendo →