O amor á literatura
- 06
- Mai
- 21
Chega Maio. Se o amor á boa literatura é o que tentamos inculcar ós nosos alumnos, démoslles textos belamente escritos, edificantes, valiosos, sen atender ó xeito de pensar ou os defectos como seres humáns dos seus autores. Xa o dixo Oscar Wilde con claridade meridiana: ” Un libro non é moral ou inmoral. Está ben escrito ou mal escrito. Iso é todo”. Seguimos lendo máis para aprender a xulgar as obras de arte polo seu valor intrínseco.
Nos Clubs de Lectura teremos xuntanzas para falar das obras: Os Corpos Invisibles, de Emma Pedreira, ou a novela gráfica Píldoras azules, de Frederik Peeters. Porémoslle voz á obra de Xela Arias a través de lecturas compartidas, e seguiremos có proxecto Escoitámonos, no que estamos creando un fondo de audios con fragmentos de novas adquisicións da Biblioteca, lidos por membros da comunidade escolar.
O día 25 remata o prazo para concursar coa vosa proposta de mascota para a nosa Biblioteca e farase entrega do premio ó proxecto seleccioado o día 28 de Maio. Temos outras dúas propostas ….estade atentos!
Rosa María Villar Villamil
Coordinadora do Equipo de Biblioteca