Formación docente do EABE (2026)

Durante estas semanas parte do Equipo de Apoio da Biblioteca Escolar Os labirintos de Mogor realizou un seminario formativo específico sobre loxística da biblioteca escolar e a formación de persoas lectoras competentes. Deste xeito, ao longo de dúas sesións que decorreron durante este mes de xaneiro tivemos a fortuna de poder recibir unha formación increíbel e moi necesaria impartida polas profesoras e investigadoras universitarias Montse Pena Presas e Paloma Blanco Anaya, especialistas, respectivamente, en Didáctica da Lingua e a Literatura, e Didáctica das Ciencias Experimentais na USC.

Con elas analizamos e puxemos en práctica diferentes dinámicas de acceso aos textos literarios poéticos e de non ficción relacionada coa educación ambiental. Alén disto, o persoal asistente puido coñecer recursos específicos para achegar os textos dramáticos ao noso alumnado e analizar as posibilidades prácticas que estes recursos ofrecen.

Moitas grazas, Montse Pena Presas e Paloma Blanco Anaya, por compartir connosco a vosa sabedoría e paixón.

Gustaríanos tamén agradecer ao Centro de Recursos e Formación de Pontevedra o auspicio desta actividade.

BE Os labirintos de Mogor, o noso 🌀 formativo!