Saúdo ás familias desde a Biblioteca

Benvido o novo curso. O noso equipo consolídase e crece, alimentado polas moitas actividades compartidas nos últimos anos, experiencias vitais enriquecedoras, acompañadas de lectura e coñecemento. A nosa proposta temática deste ano é o Xadrez, como deporte, xogo e ciencia, que conectará distintas disciplinas no desenrolo dun proxecto integrado de centro.

Nesta páxina web, a do noso centro, a de toda a comunidade escolar, seguindo co obxectivo primordial de desenvolver a competencia lectora e a inmersión cultural, iremos presentando accións, actividades e experiencias, abertas cada vez máis á participación das familias: obradoiros, certames, concursos, exposicións, charlas e intervencións que implican o uso das artes plásticas, a música, a literatura e a ciencia e trascenden o espazo limitado da biblioteca, abríndose a todo o centro, os fogares e a contorna.

Reiteramos a invitación a tomar parte na escola de pais e no club de lectura de adultos, Labirintos de Mogor II, a plantexar propostas e a colaborar co noso proxecto de crear centro.

Un saúdo afectuoso a tod@s. Vémonos pronto.

Coordinadora do Equipo de Biblioteca

Rosa María Villar Villamil