• Concurso: Intrígate o personaxe e o libro que se enconden nestas liñas?

    Se non tes unha lectura entre mans e queres descobrir as novidades da Biblioteca, anímate e participa, xa que, ademáis de poñer a proba as túas habilidades investigadoras, desfrutarás lendo e podes gañar un premio.

    Para participar debes recoller un impreso en conserxería no que anotar a obra e a voz que se esconden nas 23 citas que verás expostas no centro. Tamén podes vir ler as citas á biblioteca, xa que temos feito un xogo. Tes de prazo ata o día 18 de outubro para completar a listaxe e entregala na nosa biblioteca.

    Rocío García Casalderrey

    Rosa María Villar Villamil

    Seguir lendo →
  • Que sabedes de Florencio Delgado Gurriarán?

    Por suposto, sabedes que este ano o Día das Letras Galegas adícase a súa figura e obra. Non parece suficiente, verdade? Dende o equipo de Dinamización da Lingua Galega e o da Biblioteca ímosvos propor algunhas actividades ó longo desta semana para coñecelo mellor. Estade atentos!

    https://create.kahoot.it/details/ca6b5eb1-69ba-45d6-b87e-0316d2108adf

    Para os que queirades consultar algo de información antes de participar, a Real Academia Galega publicou na súa páxina web unha serie de vídeos sobre a súa vida e obra. Asimesmo, na biblioteca do noso centro pódense atopar algunhas das súas obras.

    O Garaxe Hermético e a Deputación de Pontevedra amosan a Florencio Delgado Gurriarán a través do cómic.

    O seu tema lingüístico máis recorrente, o cabalo de batalla de Florencio, é o castrapo, síntoma e expresión lingüística do sometemento da lingua minorizada, o galego, pola lingua minorizadora, o castelán.

    Volten a Valdeorras os nomes xenuínos

    non máis Correjanes nin Vegamolinos.

    Si Veigamuíños e mais Correxais

    pois xa os castrapismos están por demais.

    ……………………………………………….

    Non trocar por feles os galaicos meles

    pronunciando El Barco, La Puebla e Bajeles.

    Vinilo pegatina Bandera España Trazos | Oedim Decor
    Castelá
    Pegatina Bandera Galicia Mapa | TeleAdhesivo.com
    Galego
    Castrapo

    Rosa María Villar Villamil

    Coordinadora do Equipo de Biblioteca

    Seguir lendo →
  • Street poems

    Na frescura dos poemas elixidos polos membros do club de lectura Labirinto I descobrimos a cotidianeidade, a cercanía da creación poética. Lémbrannos que o Día da Poesía, o 21 de marzo, non debe ser o único día para desfrutala e compartila. Hoxe non é 21 de marzo…

    Rosa María Villar Villamil

    Seguir lendo →
  • II Certame de Poesía Revelada

    O II Certame de Poesía Revelada ou Blackout Poetry nace para potenciar a escrita e a lectura de poesía utilizando unha modalidade de creación poética innovadora, que aporta un valor engadido, a combinación de imaxen e texto. Ambos compleméntanse de forma coherente e harmónica. A ilustración ten un peso específico igual o do texto.

    Os participantes, de calquera nivel educativo, poderán presentar un ou máis proxectos coas seguintes características: tamaño din-A4 e traballo orixinal, non vale unha fotocopia. As obras que optan ó premio entregaranse na Biblioteca do IES Chan do Monte en sobre cerrado. No anverso do sobre especificarase o pseudónimo do autor. Nun sobre pequeno cerrado dentro do grande constarán o pseudónimo, os datos personais, nome e apelidos, curso, dirección e teléfono.

    O prazo de presentación de orixinais finaliza o 5 de abril. Farase unha exposición no centro de todas as obras presentadas. A decisión do xurado farase pública o 12 de abril coa presentación da obra gañadora e a entrega do premio. A obra premiada quedará exposta de xeito permanente na Biblioteca.

    Rosa María Villar Villamil

    Seguir lendo →
  • Curso de capacitación dixital

    Pensaches que internet era unha moda e agora asustache ter que usar o móbil ou o ordenador? Tes coñecementos pero hai certas cousas que non consegues facer?

    Para poñerse ao día con todo aquilo que a tecnoloxía nos proporciona apúntate no novo curso destinado a maiores de idade e completamente gratuito.

    Seguir lendo →
  • Marzo é o mes da expectativa, das cousas que non coñecemos

    As verbas de Emily Dickinson acompañan a nosa entrada no mes de marzo, que voa cara a esperanza dun tempo sempre mellor, cara a primavera. Chegan con él actividades maravillosas como a de compartir a lectura e a escoita no noso recuncho lector. Nesta primeira ocasión foi a voz de Rocío García Casalderrey, notable herdeira da súa nai, Fina Casalderrey, a que conseguiu conmovernos no breve, aínda que valioso, espazo de tempo dun recreo cun fragmento de A Pomba e o Degolado. A maxia seguirá a producirse o longo do curso, coma sempre que alguén lé para sí e para quen está a escoitarlle dende o interior.

    O teatro troca tamén a nosa perspectiva e leva moitas veces ó cambio, axudando a atravesar barreiras. Ben o saben os alumnos que recibiron unha formación teatral no obradoiro con Afonso o longo destes meses e que viviron unha gran experiencia, convertíndose en actores por un día no Teatro Principal de Ourense na compaña de rapaces doutros centros galegos.

    Rosa María Villar Villamil

    Seguir lendo →
  • Emprego: técnico/a comercial

    A empresa DINAK, unha empresa industrial cun alto nivel de actividade en mercados internacionais e líder neste sector, ofrece un posto de Técnico/a Comercial Proxectos para titulados en Ciclo de FP relacionado con Instalacións Térmicas/Climatización, Edificación ou afíns.

    Máis información no ficheiro PDF adxunto. Os interesados poden enviar o seu currículo a: rrhh@dinak.com co asunto “Técnico/a Comercial Proxectos”.

    Seguir lendo →
  • Emprego ciclo frio/climatización: técnico/a de mantemento

    A empresa Gafrío S.A., centro loxístico e de elaboración de produtos do mar con base no porto de Marín, abriu un proceso de selección para un/a novo/a técnico/a de mantemento. Características do perfil:

    • Posto: Técnico ou técnica de mantemento
    • Estudos mínimos: Ciclo Formativo Grao Medio – Instalación e Mantemento, Frio-climatización, Electricidade… ou outras afíns
    • Valorarase: Experiencia en mantemento de instalacións industriais, con maquinaria de frío industrial, dentro dun perfil polivalente no sector de mantemento. Valorarase tamén carné de carretillas elevadoras, plataformas, coñecementos de soldadura, etc.
    • Residencia en Marín-Pontevedra ou arredores.
    • Carné de conducir e vehículo para desprazarse ao centro de traballo (Porto de Marín)
    • Dispoñibilidade para incorporarse

    Contacto a través de email: rrhh@galfrio.es

    Seguir lendo →
  • Convocatoria AXUDASLE 2024 – Bacharelato

    Desde o servizo de Innovación e Programas Educativos infórmannos de que o día 12 de febreiro foi publicada a convocatoria AXUDASLE 2024 de axudas para a realización de actividades de formación en linguas estranxeiras no ano 2024 destinada a alumnado de Bacharelato.

    Prazo de solicitudes aberto dende o 13 de FEBREIRO ata o 12 de MARZO (incluído)

    Seguir lendo →
  • Técnico/a reparacións informática

    Solitium oferta un posto de traballo de TÉCNICO/A REPARACIÓN EQUIPOS MULTIFUNCIONAIS na zona de Vigo para alumnos titulados do Grao Superior en Administración de Sistemas Informáticos en Rede (ASIR). Os interesados mandar currículo a ejimenez@ayanetrh.es

    Seguir lendo →
  • Clubs de lectura, sempre activos

    Unha nova proposta para Labirintos de Mogor II. Unha obra a de Sara Mesa de conflicto entre o urbano e o rural, o sentido de poder e o de vulnerabilidade da protagonista ante os novos actos que acomete. O potente narrador consegue que os lectores non sintamos outra necesidade máis que pasar voando as páxinas e seguir deixándonos ferir polo desasosiego do relato, que parece adquirir dimensións de traxedia grega, ainda que tamizada pola culpa católica: o conxunto de persoaxes de La Escapa funciona como o coro que amplifica o xuizo e algúns individuos fan como de oráculo, advirtindo de malos presaxios. Toda esa tensión, o ambiente angustioso e á vez distante, as referencias e simbologías e as friccións entre personaxes parecen dispostos para un desenlace tráxico, que é esperado con ansia.

    O alumnado do Labirinto de Mogor I comentando a lectura de Carta dunha descoñecida dun autor recurrente, Stefan Zweig, que non os deixou indiferentes. Falaron de obsesión, amor incondicional e tolemia, voltando recoñecer a Zweig como mestre da novela psicolóxica.

    O Club dos máis xóvenes explorou O Asasinato da profesora de Xeografía; un libro no que se mestura a fascinación pola toponimia cun segredo que se remonta a Idade Media e do que o diaño é protagonista. A corrupción, a afouteza, a intuición e unha boa dose de misterio son os ingredientes desta novela que lles atrapou e que vos recomendamos.

    Rosa María Villar Villamil

    Seguir lendo →
  • A Nosa Radio

    Un espazo, unhas ferramentas técnicas, unhas voces que queren contar e todas as competencias clave en acción iso é unha radio. Levamos apostando uns anos por pór en marcha a radio escolar polo seu enorme valor pedagóxico e comunicativo, porque permite tomar conciencia dos distintos puntos de vista, fomenta o respeito á pluralidade, axuda a participar de forma constructiva na toma de decisións, fomenta a diversidade cultural e apoia a aprendizaxe.

    Vimos de recibir parte da formación con Xavier, un magnífico profesor que sabe transmitir a súa paixón pola radio, para a posta en marcha do noso proxecto e estamos a devecer por poñer en práctica co noso alumnado todo o aprendido. Empezamos?? Estades todos invitados.

    Rosa María Villar Villamil

    Seguir lendo →